ज्योतिषशास्त्र : मन्त्र आरती चालीसा पोस्टेड : अप्रैल 12, 2016

श्री हनुमान चालीसा

॥ श्री हनुमान चालीसा ॥

॥ दोहा ॥

श्री गुरु चरण सरोज रज निज मन मुकुर सुधारि।

बरनऊ रघुवर विमल जसु जो दायक फल चार॥

बुद्धिहीन तनु जानके, सुमिरौं पवन कुमार।

बल बुद्धि विद्या देहु मोहिं, हरहु कलेश विकार॥

॥ चौपाई ॥

जय हनुमान ज्ञान गुण सागर । जय कपीस तिहुं लोक उजागर॥

राम दूत अतुलित बल धामा । अंजनि पुत्र पवन सुत नामा॥

महावीर विक्रम बजरंगी । कुमति निवार सुमति के संगी॥

कंचन वरन विराज सुबेसा । कानन कुंडल कुंजित केशा॥

हाथ ब्रज औ ध्वजा बिराजे । कांधे मूंज जनेऊ साजे॥

शंकर सुवन केसरी नंदन । तेज प्रताप महा जग बंदन॥

विद्यावान गुणी अति चातुर । राम काज करिबे को आतुर॥

प्रभु चरित्र सुनिबे को रसिया । राम लखन सीता मन बसिया॥

सूक्ष्म रूप धरि सियहिं दिखावा । विकट रुप धरि लंक जरावा॥

भीम रूप धरि असुर संहारे । रामचन्द्र के काज संवारे॥

लाय संजीवन लखन जियाये । श्री रघुबीर हरषि उर लाये॥

रघुपति कीन्हीं बहुत बढ़ाई । तुम मम प्रिय भरतहि सम भाई।।

सहस बदन तुम्हरो यश गावैं । अस कहि श्रीपति कंठ लगावैं॥

सनकादिक ब्रह्मादि मुनीसा । नारद शारद सहित अहीसा॥

यम कुबेर दिगपाल जहां ते । कवि कोविद कहि सके कहां ते॥

तुम उपकार सुग्रवहिं कीन्हा । राम मिलाय राज पद दीन्हा॥

तुम्हरो मंत्र विभीषण माना । लंकेशवर भये सब जग जाना॥

जुग सहस्त्र योजन पर भानु । लील्यो ताहि मधुर फल जानू॥

प्रभु मुद्रिका मेल मुख माहीं। जलधि लांघ गए अचरज नाहीं॥

दुर्गम काज जगत के जेते । सुगम अनुग्रह तुम्हरे तेते॥

राम दुआरे तुम रखवारे । होत न आज्ञा बिन पैसारे॥

सब सुख लहैं तुम्हारी सरना । तुम रक्षक कारू को डरना॥

आपन तेज सम्हारौ आपै । तीनों लोक हांक ते कांपै॥

भूत पिशाच निकट नहीं आवै । महावीर जब नाम सुनावे॥

नासै रोग हरे सब पीरा । जपत निरंतर हनुमत बीरा॥

संकट ते हनुमान छुड़ावै । मन क्रम वचन ध्यान जो लावै॥

सब पर राम तपस्वी राजा । तिन के काम सकल तुम साजा॥

और मनोरथ जो कोई लावै । सोई अमित जीवन फल पावै॥

चारों जुग प्रताप तुम्हारा । है प्रसिद्ध जगत उजियारा॥

साधु सन्त के तुम रखवारे । असुर निकंदन राम दुलारे॥

अष्ट सिद्धि नौ निधि के दाता । अस वर दीन जानकी माता॥

राम रसायन तुम्हरे पासा । सदा रहो रघुपति के दासा॥

तुम्हरे भजन राम को पावै । जन्म जन्म के दु:ख बिसरावै॥

अंतकाल रघुवर पुर जाई । जहां जन्म हरि भक्ति कहाई॥

और देवता चित न धरई । हनुमत सेई सर्व सुख करई॥

संकट कटै मिटे सब पीरा । जो सुमिरे हनुमत बलबीरा॥

जय जय जय हनुमान गोसाईं । कृपा करहु गुरुदेव की नाईं॥

यह शत बार पाठ कर जोई । छूटहि बंधि महासुख होई॥

जो यह पढ़े हनुमान चालीसा  होय सिद्धि साखी गौरीसा॥

तुलसी दास सदा हरि चेरा । कीजै नाथ हृदय मंह डेरा॥

॥ दोहा ॥

पवन तनय संकट हरण, मंगल मूरति रूप॥

राम लखन सीता सहित, हृदय बसहु सुर भूप॥

     ॥ इति श्री हनुमान चालीसा ॥

|| Shri Hanuman Chalisa ||

|| Doha ||

,Shree Guru Charana Saroj Raja Nij Man Mukura Sudhari,

Barnau Raghuvar Bimal Jasu, Jo dhayak Phal Chari,

Buddhi heen tanu janike sumiro pavan kumar,

Bal Buddhi Vidya Dehu Mohi, harahu kalesh vikaar

|| Chalisa ||

Jai Hanuman Gyan Gun Sagar, Jai Kapis Tihun Lok Ujagar,

Ramdoot Atulit Bal Dhaamaa, Anjani Putra Pavansut naamaa,

Mahabir Bikram Bajrangi, Kumati Nivaar Sumati Ke Sangi,

Kanchan Baran Biraaj Subesaa, Kanan kundal kunchit kesa,

Haath Bajra Aur Dhvaja Birajey, Kandhe Moonj Janeu saaje.

Shankar Suvan Kesari Nandan, Tej Pratap Maha Jag Vandan.

Vidyavaan Guni Ati Chatur, Ram Kaj Karibe Ko Atur,

Prabhu Charittra Sunibe Ko Rasiya, Ram Lakhan Sita man basyia,

Sukshma roop Dhari Siyanhi Dikhawa, Bikat roop Dhari Lank Jarawa,

Bhim roop dhari asur sanhare, Ramchandrajee Ke kaaj Savare,

Laye Sanjivan Lakhan Jiyaye, Shri Raghubir harashi ur laye,

Raghupati Kinhi Bahut Badaai, Tum Mum Priya Bharat Sam Bhai.

Sahastra Badan Tumharo Jas Gaave, Asa kahi Shripati Kanth Laagave.

Sankadik Brahmadi Muneesa, Narad Sarad Sahit Aheesa.’

Jam Kuber Digpal Jahan Te, Kabi Kabid Kahin Sake Kahan Te,

Tum Upkar Sugrivahi Keenha, Ram Milaye Rajpad Deenha,

Tumharo Mantro Bibhishan Maana, Lankeshwar Bhaye Sab Jag Jaana,

Juug Sahastra Jojan Par Bhaanu, Leelyo Taahi Madhur Phal Jaanu,

Prabhu Mudrika Meli Mukha Maaheen, Jaladhi Langhi Gaye Acharaj Naaheen,

Durgam Kaaj Jagat Ke Jete, Sugam Anugrah Tumhre Tete,

Ram Duware Tum Rakhavare, Hot Na Aagya Bin Paisare,

Sab Sukh Lahen Tumhari Sarna, Tum Rakshak Kaahu Ko Dar naa,

Aapan Tej Samharo Aapei, Tenau Lok Hank Te Kanpei.

Bhoot Pisaach Nikat Nahi Ave, Mahabir Jab Naam Sunavei,

Nasei Rog Hare Sab Peera, Japat Niranter Hanumant Beera,

Sankat Te Hanuman Chhudavei, Man Kram Bachan Dhyan Jo Lavei,

Sub Par Ram Tapasvee Raaja, Tinke Kaaj Sakal Tum Saaja,

Aur Manorath Jo Koi Lave, Ta Soi Amit Jivan Phal Pave.

Charo Juug Partap Tumhara, Hai Parsiddha Jagat Ujiyara.

Sadho Sant Ke Tum Rakhvare, Asur Nikandan Ram Dulare,

Ashta Siddhi Nau Nidhi Ke Data, Asa Bar Din Janki Mata,

Ram Rasayan Tumhare Pasa, Sadaa Raho Raghupati Ke Dasa,

Tumhare Bhajan Ramko Pavei, Janam Janam Ke Dukh Bisravei,

Anta Kaal Raghubar Pur Jai, Jahan Janma Hari Bhakta Kahai,

Aur Devata Chitt Na Dharai, Hanumant Sei Sarva Sukh Karai,

Sankat Kate Mitey Sab Peera, Jo Sumirei Hanumant Balbeera,

Jai Jai Jai Hanuman Gosai, Kripa Karahu Gurudev Ki Naiee,

Jo Sat Baar Paath Kar Koi, Chhutahi Bandi Maha Sukh Hoi.

Jo Yah Padhe Hanuman Chalisa, Hoy Siddhi Sakhi Gaurisa,

Tulsidas Sada Hari Chera, Keeje Nath Hriday Mah Dera.

|| Doha ||

Pavan Tanay Sankat Haran, Mangal Murti Roop.

Ram Lakhan Sita Sahit, Hriday Basahu Sur Bhoop.

नोट : अपने जीवन से सम्बंधित जटिल एवं अनसुलझी समस्याओं का सटीक समाधान अथवा परामर्श ज्योतिषशास्त्र  हॉरोस्कोप फॉर्म के माध्यम से अपनी समस्या भेजकर अब आप घर बैठे ही ऑनलाइन प्राप्त कर सकते हैं |

© The content in this article consists copyright, please don't try to copy & paste it.